ލަރނިންގ މެނޭޖްމަންޓް ސިސްޓަމްސް

ލިޔުނީ: އާމިނަތު ޝަހްނީޒާ

ލަރނިންގ މެނޭޖްމެންޓް ސިސްޓަމް އަކީ ކޮބާ؟؟؟

ލަރނިންގ މެނޭޖްމެންޓް ސިސްޓަމަކީ، ޢާންމުގޮތެއްގައި ކިޔަވައިދޭ ކޮލެޖްތަކާއި ކުންފުނިތަކުން، އެ ޚިދުމަތް ބޭނުންކުރާ ފަރާތްތަކަށް ބޭނުންވާ މަޢުލޫމާތު އަދި ތަޢުލީމާއި ގުޅުންހުރި ވަޞީލަތްތައް ފޯރުކޮށްދޭ ވެބް-ބޭސްޑް އެޕްލިކޭޝަނެކެވެ.

 ލަރނިންގެ މެނޭޖްމަންޓް ސިސްޓަމްގެ ތާރީޚަށް ބަލައިލުން

ލަރނިންގެ މެނޭޖްމަންޓް ސިސްޓަމް، ވަރަށް މަޝްހޫރުކޮށް ބޭނުންކުރަމުން އާދެ އެވެ. ނަމަވެސް ޙަޤީޤަތަށް ބުނަނީނަމަ ލަރނިން މެނޭޖްމަންޓް ސިސްޓަމް އެންމެ މަޝްހޫރުވެގެން އައީ 2000 ގެ އަހަރު ތަކަށްފަހު އެވެ. އޭގެ ކުރިން އެހާ މަޝްހޫރުކޮށް ބޭނުމެއްނުކުރެ އެވެ. 2000 ގެ އަހަރުތަކަށްފަހު ލަރނިންގ މެނޭޖްމަންޓް ސިސްޓަމްގެ އަގު އަރައި ގިނަބަޔަކު ބޭނުން ކުރަންފެށި އެވެ. މިއަދު ބައެއް ދަރިވަރުންނާއި މަސައްކަތުގެ ދާއިރާގައި އުޅޭ ބޭފުޅުން ކޯސް ހެދުމަށްޓަކައި އެ މީހުންގެ ސްމާރޓް ފޯނުތަކާއި، އައިޕެޑްގެ އެހީގައި އީލަރނިންގެ މެނޭޖްމަންޓް ސިސްޓަމް އެޕްލިކޭޝަން ބޭނުންކޮށްގެން ކޯސްތައް ހަދަމުން އެބަގެންދެ އެވެ.

އީލަރނިންގެ މެނޭޖްމަންޓް ސިސްޓަމްގެ ބައެއް މަސައްކަތްތައް

• -         ކޯސް ކޮންޓެންޓް ފޯރުކޮށްދިނުން
• -         ކޯހުގެ ކަންތައްތައް ކުރިއަށްދާ ގޮތުގެ ކަލަންޑަރެއް އެކުލަވާލުން
• -         ދަރިވަރުން ރަޖިސްޓްރޭޝަންގެ ކަންތައް ކުރިއަށް ގެންދިއުން
• -         ޓެސްޓްތަކާއި އެހެނިހެން ވަޒަންކުރުމުގެ ބައިތައް ކުރިއަށް ގެންދިއުން (އެސައިންމެންޓް)
• -         ކަރިކިއުލަމްއާއި ސެޓްފިކެޓްތައް މެނޭޖްކުރުން
• -         ޑޮކިއުމެންޓްތައް މެނޭޖްކުރުން

ލަރނިންގ މެނޭޖްމަންޓް ސިސްޓަމްގެ ފައިފާ

ލަރނިން މެނޭޖްމަންޓް ސިސްޓަމްއަކީ އޭގައި ނުހަނު ގިނަގުނަ ފައިދާ ތަކެއް އެކުލެވިގެންވާ އެޕްލިކޭޝަންއެކެވެ. މިފަދަ ޒަމާންވީ ވަޞީލަތްތަކުގެ ސަބަބުން ޚަރަދު ކުޑަވެގެންދެ އެވެ. ގޭގައި ތިބެގެން އުނގެނުމުގެ ފުރުޞަތު ލިބުމުގެ ސަބަބުން ތިމާގެ ވަގުތު ސަލާމަތްވެގެންދެ އެވެ. ބޭނުން ވަގުތަކު އުނގެނުމަށް މަގުފަހިކޮށްދެ އެވެ. އެމީހަކު އެންމެ ބޭނުންވާ ވަގުތެއް ހުސްކޮށްގެން ކިޔެވުން އިންތިޒާމް ކުރުމުގެ ފުރުޞަތު ލިބިގެންދެ އެވެ. ފަސޭހަކަމާއެކު، ކިޔަވައިދޭ ކޮންޓެންޓް ޙިއްސާ ކުރުމާއެކު، އެސެސްމެންޓްތަކާއި ޓެސްޓުތައް ހެދުމަށްވެސް ފަސޭހަކޮށްދެއެވެ.

ލަރނިންގ މެނޭޖްމަންޓް ސިސްޓަމަކީ އެކިތަނުން މީހުން ބައިވެރިވުމުގެ ފުރުޞަތު ހުޅުވާލެވިފައިވާ ސިސްޓަމަކެވެ. މީގައި އެކި ހިސާބުގައި އުޅޭ އެކި މީހުން ޝާމިލްވާނެ އެވެ. އެހެންވީމާ މި ސިސްޓަމްގެ އެހީގައި ކިޔަވާ ދަރިވަރުންނަށް ޓުވިޓަރ، ބްލޮގް،  ފޭސްބުކް، ވައިބަރ  ފަދަ އިންޓަނެޓުގެ ވަޞީލަތްތައް ބޭނުންކޮށްގެން، އެއް ދަރިވަރަކު އަނެއްދަރިވަރަކަށް ކިޔެވުމުގައި އެހީތެރިކަން ފޯރުކޮށްދެވޭނެ މަގުތައް ފަހިވެގެންދެ އެވެ. މިފަދަ ތަފާތު އީޖާދީ ވަޞީލަތްތަކުގެ ސަބަބުން ދަސްކުރުމުގެ ފޫހިކަން ނެތި ޝައުޤުވެރިކަން އިތުރުވެ އެވެ. އެއްކުއްޖަކަށް ލިބިފައިވާ މަޢުލޫމާތު އަނެއް ކުއްޖާކާ ހިއްސާކުރެވި އުނގެނުމަށް ފަހި މާހައުލެއް އުފެދެ އެވެ.

ލަރނިނގް މެނޭޖްމަންޓް ސިސްޓަމްގެ ނިޒާމަކުން ތަޢުލީމު ޙާޞިލްކުރާއިރު، ކުދިންނަށް، އެކުދިންގެ ބައިވެރިވުން، ފިލާވަޅު ދަސްކުރުމުގައި އިތުރުކުރުމަށް ބާރުއަޅަ އެވެ. މިގޮތަށް ކުދިން ބައިވެރިވުމުގެ ސަބަބުން ފަސޭހައިން ނަގައިގަނެވި،(އިފެކްޓިވް) އަދި ހަނދާނުގައި ހަރުލުމަށް އެހީތެރިވެއެވެ.

ރެފަރެންސް ލިސްޓް

https://en.wikipedia.org/wiki/Learning_management_system

http://searcheric.org/edu/learning-management-system.html

http://www.learndash.com/history-of-the-lms/